Kominoshe

Gramatura 240 deri 260 g/m² është balanca e duhur: mjaft e fortë për punë të përditshme, jo aq e rëndë sa të mos e mbash tërë ditën. Përzierja pambuk poliestër rreth 65/35 është standardi, sepse pambuku merr frymë ndërsa poliestri jep qëndrueshmëri dhe tkurret më pak në larje.

Kombinezoni i plotë mbron më mirë nga pluhuri, boja dhe vaji. Gjysmëkombinezoni me rripa lë më shumë liri për krahët e shpatullat dhe mbahet më lehtë në ditët e ngrohta. Kontrollo tegelat, sepse qepja e dyfishtë zgjat më shumë, si dhe numrin e xhepave: një xhep për metër, një për telefon dhe një për vegla të vogla bëjnë dallim në terren.

Madhësinë zgjidhe sipas tabelës, jo sipas zakonit. Veshja e punës mbahet mbi bluzë ose duks, prandaj nëse je mes dy numrave merr më të madhin; një kombinezon i ngushtë çahet te tegelat kur ulesh galuc. Te gjysmëkombinezonët kontrollo nëse rripat janë të rregullueshëm. Dy kombinezonë më të lirë që lahen me radhë dalin më mirë se një që nuk arrin kurrë të thahet. Dërgesa 2-5 ditë pune në gjithë Maqedoninë, pagesa në dorëzim.